ಪಿಎಂ ವಾಣಿ ಯೋಜನೆ(ಪಿಎಂ ವೈಫೈ ಅಕ್ಸೆಸ್ ನೆಟ್‌ವರ್ಕ್ ಇಂಟರ್‌ಫೇಸ್) ಕುರಿತ ಮಾರ್ಗಸೂಚಿ ಪ್ರಕಟವಾಗಿದ್ದು, ಸಣ್ಣ ಅಂಗಡಿಗಳು ಕೂಡ ಸಾರ್ವಜನಿಕ ವೈಫೈ ಸೇವೆ ಒದಗಿಸಬಹುದಾಗಿದೆ. ಸೇವೆ ಕಲ್ಪಿಸುವ ಕಂಪನಿಯಿAದ ಬ್ಯಾಂಡ್‌ವಿಡ್ತ್ ಪಡೆದುಕೊಂಡು, ರೆಸ್ಟೋರೆಂಟ್, ಟೀ ಅಂಗಡಿ, ಹೋಟೆಲ್, ಕಿರಾಣಿ ಅಂಗಡಿ ಮತ್ತಿತರ ಕಡೆ ನೋಂದಣಿಯಿಲ್ಲದೆ ವೈಫೈ ಸೌಲಭ್ಯ ನೀಡಬಹುದು(ಪಿಡಿಒ). ಕೇಂದ್ರ ಸಚಿವ ಸಂಪುಟ ಕಳೆದ ವಾರ ದೇಶದೆಲ್ಲೆಡೆ ಬ್ರಾಡ್‌ಬ್ಯಾಂಡ್ ಅಂತರ್ಜಾಲ ಸೌಲಭ್ಯ ಕಲ್ಪಿಸುವ ಉದ್ದೇಶವುಳ್ಳ ಪಿಎಂ ವಾಣಿ ಯೋಜನೆಗೆ ಅನುಮೋದನೆ ನೀಡಿತ್ತು. ಪಬ್ಲಿಕ್ ಡೇಟಾ ಆಫೀಸ್(ಪಿಡಿಒ), ಪಬ್ಲಿಕ್ ಡೇಟಾ ಆಫೀಸ್ ಅಗ್ರಿಗೇಟರ್ಸ್(ಪಿಡಿಒಎ) ಹಾಗೂ ಅಪ್ಲಿಕೇಶನ್ ಡೆವಲಪರ್‌ಗಳಿಗೆ ಅನುಮತಿ ದೊರೆತಿತ್ತು.
ಪಿಡಿಒಎಗಳು ಯಾವುದೇ ಶುಲ್ಕ ತೆರದೆ, 2013ರ ಕಂಪನಿ ಕಾಯ್ದೆಯಡಿ ನೋಂದಣಿ ಮಾಡಿಕೊಳ್ಳಬೇಕು. ಅರ್ಜಿ ಸಲ್ಲಿಕೆಯಾದ ವಾರದೊಳಗೆ ನೋಂದಣಿ ಮಾಡಲಾಗುತ್ತದೆ. ಅಪ್ಲಿಕೇಶನ್ ಡೆವಲಪರ್‌ಗಳು ಇದೇ ರೀತಿ ನೋಂದಣಿ ಮಾಡಿಕೊಳ್ಳಬೇಕಾಗುತ್ತದೆ. ಇವರು ಬಳಕೆದಾರರ ನೋಂದಣಿ ಮತ್ತು ಆಯಾ ಪ್ರದೇಶದ ಪಿಎಂ ವಾಣಿ ವೈ-ಫೈ ಹಾಟ್‌ಸ್ಪಾಟ್‌ಗಳನ್ನು ಗುರುತಿಸಲು ವೇದಿಕೆ ಕಲ್ಪಿಸುತ್ತಾರೆ ಎಂದು ಮಾರ್ಗಸೂಚಿ ಹೇಳಿದೆ.
Courtesyg: Google (photo)
